Baybayin Library
Ang Baybayin ay isang organisasyong Pranses na naka-base sa isla ng Siargao, sa Timog-Silangang bahagi ng Pilipinas. Itinatag noong Abril 2019, nilalayon nitong magtayo ng kauna-unahang permanenteng aklatan sa isla. Ang Baybayin ay isang libreng aklatan para sa lahat ng naninirahan sa Siargao, na mayroong malawak na koleksyon ng mga libro, magsisilbing lugar para sa pag-aaral, at maghahatid ng masasayang aktibidad para sa mga bata at iba pang workshop at pagsasanay. Kasalukuyan itong itinatayo at inaasahang magbukas sa simula ng 2020 sa bayan ng General Luna.
Mahalagang impormasyon
Baybayin Library
Poblacion 5
General Luna, Siargao Island
Surigao del Norte 8419, Philippines
Punong tanggapan:
Association Baybayin Library
Grand Cosquet
56360 Belle-Ile en mer, France
Baybayin, higit pa sa isang aklatan
Mga libro
Ang mga libro na nasa wikang Ingles, Filipino, at Bisaya (Visayan) ay para sa lahat, anuman ang edad. Magkakaroon ang Baybayin ng malawak na koleksyon ng publikasyon, para sa mga nais mag-aral, matuto, o mangarap.
Mga laruan at laro
Magkakaroon din ito ng mga laruan para sa mga pinakabatang bisita gayundin ng mga laro para sa mga bata sa lahat ng edad at mga kabataan! Regular ding maghahatid ang team ng Baybayin ng mga board game event sa hapon.
Lugar para sa mga gawain at pag-aaral
Maglalaan kami ng espasyo para sa paggawa ng takdang-aralin (homework), na may mga desk, kompyuter, at libro sa paaralan, para magkaroon ang mga mag-aaral ng tahimik at nakakaengganyong lugar para mag-aral at gumawa ng kanilang pananaliksik.
Mga event
Maglulunsad din kami ng iba’t ibang workshop, magpapalabas ng pelikula at video, at magkakaroon ng iba pang mga event sa loob ng aklatan gayundin sa mga barangay sa Siargao.
